2013年12月9日星期一

愉快拍拖學




這篇送給在拍拖中感到不快樂而動遙的朋友‥

***
追尋快樂有錯咩?

一個最多人追求既人生目標 - 快樂(或者叫開心)
 
快樂係一種好既感覺,起依種感覺底下,時間會過得快 D,充實 D,人又會健康 D。所以好自然,每一個人都想一直快快樂樂落去,所以人就會想目標追求最多快樂既時間,不過快樂係一種結果,一種因某種經歷而衍生既效果,所以佢係短暫的,難以掌握,而且係飄渺的。
 
所以從來都認為,以快樂為人生目標既時候,人係會容易感到幻得幻失,因為誤將基礎置放起最唔實在既事上。
 
現實並唔係咁,現實係一個包含快樂同唔快樂既世界。
 
拍拖都係為開心姐...

若認為,拍拖或者談戀愛係為左開心的話,我覺得係好似將拍拖視為一種活動,等同一種興趣或者消遣似的。如果係咁,好自然會有因為覺得花太多時間去拍拖而感到唔值得,因為已經不其然定義左拍拖只係人生既一個環節,但係咪真係咁呢?
 
或者話,依個係快樂導向既戀愛模式吧‥
 
拍拖‥或者更準確應該說是一段戀愛關係‥雖不至於係人生既全部,但卻應該係滲透到人生每一個角落,一種與整個人生密不可分既深入關係。唔可以以一個環節、一個活動或者係一段經歷咁簡單黎形容,而係一個人生既階段,表明人已經唔再係一個人,而係兩個人一齊去走人生路既新階段,已經係兩個生命既交錯。

戀愛關係唔同一般朋友關係,朋友關係只係同你經歷過就完,或者比你見議分擔。戀愛關係係有種你就係我,我就係你既同感。所以起現實既人生上,就唔會只係接受有快樂,亦都係明白到有唔快樂。

問題係,兩者點共同去面對唔快樂既時候,其實兩個總比一個好,兩個人夾得好,往往有一種意想不到既果效,個種效果,其實可以係比快樂一種更好既境界‥
 
因為 1+1>2

我想這正正是拍拖既意義,亦都係因此神唔淨係創造男人,而亦都創造女人,要使二人合作去完成神比人既使命。
 
快快樂樂地生活下去‥這只是童話故事吧!做大人,要有大人的故事 ^^
 
所以又有一個好好既新 term,叫喜樂
 
註釋話:
快樂係人因外在因素利己而產生既感覺
而喜樂卻係一種內在穩定既感覺
 
亦即係話有喜樂既時候無論處於好或者唔好既環境都可以覺得平安
 
有個目標,就係朝這個方向去‥
 
一種情況,係兩個人一起既時候,大家補足左,所以建立左一種喜樂既環境,當然依個係一個非常理想既想法,唔係一時三刻可以確立的,但的確係可以朝依個方向走的。


LIKE 我丫! ^o^
如果以上文章對你有用,請到「愛你一生一世」 Facebook 專頁比個 LIKE,你就可以定期收到更多有關戀愛話題的文章~

3 則留言:

  1. 凱楊你好,

    SeeWide特搜網是一個全新互動生活分享平台,集齊各地遊山玩水好去處及講玩講食,讓大家分享不同生活體驗

    你的網誌十分切合我們網站的主題,內容及相片也很有質素,請問可否讓我們轉載網誌內的相片及內容?(會注明出處及不作改動)

    我們的目的,是盡力網羅優質的相片及內容,建立一個講玩講生活的平台,並分享給一眾志同道合的網友

    希望你能成為我們平台的一份子,助我們更有效地集結不同好玩好食之處!

    另外,我們設有「稿費」制度,文章獲得本地瀏覽量,即可兌換稿費!

    迎新推廣,每100本地瀏覽量,可獲高達HK$1稿費;我們亦可以你的名義,將稿費捐到香港宣明會,或你指定的慈善機構
    詳情可參閱:http://www.seewide.com/space.php?do=help&essay_id=22#001
    如有任何查詢, 歡迎電郵至: info@seewide.com

    回覆刪除
    回覆
    1. 可以轉載 (注明出處及不作改動), 感謝你的賞識
      另外, 我也有興趣加入為你們平台的一份子, 請檢查你的電郵

      刪除
    2. 謝謝你的回覆及對SeeWide的支持!

      但翻看我們的電子郵箱 (info@seewide.com), 並未發現有關郵件

      請問你可否再次發送該電郵到info@seewide.com?

      在此, 再一次感謝你對SeeWide的支持!

      Thanks

      刪除

最近文章