2010年3月28日星期日

戀愛 FAQ (註解篇)

網上流傳著一篇 有15 題問答的戀愛 FAQ,已不知其出處。該15個回答簡而精,有一些回答筆者並不同意,但我卻欣賞那直截了當的回答,擊退了一些人「婆婆媽媽」的心態,但我又想「多此一舉」,加一些註腳,希望大家看完之後不單只是會心微笑,卻能想多一點‥



Q1: 我鍾意左個女仔,我應該點做?
A: 追佢。

(其實簡單問這條問題,並沒有背景資料能做任何分析,所以先不談道德對錯的問題,但確實的是,行動的成功率不高,但不行動就一定不成功。我想你不敢追,是怕拒絕的傷害?但追求就是一個冒險過程,不應畏首畏尾吧?)


Q2: 我鍾意左個女仔,但佢已經有男朋友,我應該點做?
A: 追佢。

(這個回答背後的概念是說,在拍拖階段是仍有選擇的空間,筆者不否定這個概念,不過,將心比心,你若正在拍拖,而有另一個人來追求你的另一半,你會如何想呢?競爭的出現是在所難免的,這無擬會是比追求未拍拖的人更具難度,且更容易產生傷害的)


Q3: 我鍾意左個女仔,但佢已經有男朋友,而佢既男朋友亦都係我朋友,我應該點做?
A: 追佢。
(這是第二條的引伸,當介入的是自己的朋友時,意味潛在造成的困難和傷害將會更深,同時這也是把愛情和友情放在天秤上秤的舉動,你看重那一樣呢?)

Q4: 佢男朋友係我最好既朋友,我應該點做?
A: 放棄。

(引伸第三條,這個答案反映了回答者秤出來的結果)

Q5: 我鍾意左個女仔,但佢已經有老公,我應該點做?
A: 放棄。

(這個更是把愛情和道德放在天秤上秤的抉擇)

Q6: 我想知佢電話號碼,我應該點做?
A: 問佢。

(其實發問者是想問一個方法,恐怕太單刀直入會使人唐突不安吧?這個回答的簡單直截是告訴你不要太婆婆媽媽,畏首畏尾)

Q7: 我發覺佢成日望住我,佢係咪鍾意我?
A: 唔係。

(如果佢鍾意你,望你時總不會給你發現吧)

Q8: 我約佢出街,佢話唔得閒,佢係咪唔鍾意我?
A: 係。

(唔鍾意唔等如討厭,只係「不是」鍾意,你明白這個分別嗎?是的,如果佢鍾意你,你約佢,佢點都會抽時間出黎,即使真係唔得閒,都唔會話唔得閒一句咁簡單,而通常都會有解釋吧)

Q9: 我鍾意左個女仔,但佢唔鍾意我,我應該點做?
A: 追佢。

(正如《酒是故鄉濃》入面元華有一句很好,他說「你可以唔鍾意我,但你唔可以阻止我鍾意你」,當然,你也很大機會正在浪費你的青春)

Q10: 我女朋友成日話我唔陪佢,又常因小事發脾氣,又話我對佢唔夠好,我應該點做?
A: 對佢好 D 。

(其實依個值得諗諗,在陪佢 [話我唔陪佢]、遷就佢 [常因小事發脾氣] 與對佢好 [對佢唔夠好] 三個問答中,回答者只選擇對佢好這個要求去回應,這代表什麼呢?)

Q11: 我已經對佢好好,佢都仲發脾氣,點解?
A: 因為佢想飛左你。

(這解釋了為什麼回答者沒有選擇回應遷就佢 [常因小事發脾氣] 。不過我也想補充,除左佢想飛你外,也可代表佢未長大,還像個小孩)

Q12: 我已經有個好好既女朋友,但有另一個女仔話鍾意我,我應該點做?
A: 拒絕。

(其實點解要問?難道你想一腳踏兩船嗎?)

Q13: 我已經唔鐘意我女朋友,但我女朋友仍然好鍾意我,我應該點做?
A: 鍾意番佢。

(其實點解要咁問?你應該是問如何叫你女朋友不再糾著你是嗎?)

Q14: 我已經有個要好既女朋友,但同時又有兩個好好既女仔話鍾意我,我應該點做?
A: 睇心理醫生,你有妄想症。

(回答者已經開始嫉妒你的炫耀)

Q15: 我好鍾意我女朋友,但佢已經唔鍾意我,我應該點做?
A: 令佢鍾意番你。

(或者死心)

沒有留言:

發佈留言

最近文章